2013/03/13, 06:14 PM
|
#1
|
|
معلومات إضافية
رقم العضوية : 600
تاريخ التسجيل: 2012/08/27
المشاركات: 1,797
المستوى : 
|
اضحك بيوم الطبك !!!
وبيهن جرح بالغدر!
من مثلي لمن سِهر
بدموع عينه غِرَك!
بالهوى اتعيش البشر
وأنه ابهواي َاختنك!
هذا أنه حالي وأمر
صَدكني من نفترك!
من ضيعاك النظر
ماضل طَعم بالعِثك
واشلون نكتب شعر
لو ما يمرنه العشك!
ضليت مثل الخسر
وبروحه ضل يحترك
وأحسب اجروحي اشكثر
ويهون جرحِ التفك!
بيهن جرح مستقر
للنزف ماله خِلك
وبيهن جرح مستعر
بس يِنلِجم ينفِتك
وبيهن جرح بالغدر
مايرضه أبد ينطبك!!
سَواني نكته الدهر
تلكاني وبكل حَلك!!
بأعيادي دمعي جَمر
والنار ترشك رَشك
بطران يل تنتظر
أضحك ابيوم الطَبك!
ضاع الصدك يا بَشر
وِبابه مَحد يِدك!!
شِيكَعد البلكَبر!
حتى الكه كلمة صدك!
وين الكه كلمة صدك!
hqp; fd,l hg'f; !!!
|
|
|