[دياناعبدالخالق]

تمنيت الاحبك بلحلم مات

تمنيتك لجن بُعد المسافات
حبست بالكَلب كل الاماني

يالمهاجر عُمر وسنينه لوعات
ولك شيصير لو اشوفك ثواني

اشتظن ابتسم وانت ابعيد هيهات
الضحك ودعني بعدك ما اجاني

ضل بس الجمر ودموعي جَويات
بعدك حيرة محتار ابزماني

اَضحك بالجذب لو شفت شمات
وكولن هسه يرجع ما نساني

بس المشكلة بعيوني دمعات
بس يحجون باسمك ابجي اني!

تعال اترك الغربة وبالكلب بات
ترى هجرك حبيبي عذباني

يبو حَجيِِ الحلو والله حسافات
الشمع ضل يبجي بعدك بالصواني

امس طيفك تعنى باَاحله بَسمات
ونثر ورد الاشواق ابكل مكاني


ولو بالطيف جيتك ماكو جيات!
حمدت الله وردت ما اصحى ثاني

لكن هالدمع والدمع بذات
صب جمرة بخدودي وكعداني!

تمنيت اليحبك بالحلم مات
ولا يصحى وبعد يرجع يعاني

المصدر: منتديات شيعة الحسين العالمية اكبر تجمع اسلامي عربي - من قسم: الشعر الشعبي

---

jlkdj hghpf; fgpgl lhj