[ابوشهد]

نزل يمي الكَـمر من شافني ابجي عليك

وصد ليه وتباوع كالي شبيك

مكسور الجناح ودمعتك بالعين

شنـو القصة حبك دوم ناسيك

وعلامك تكسر الخاطر توالي الليل

بس تبجي وتنوح وعبرتك بيك

كتله ياكَـمر ليش الحبيب ايخون

وليش اللي توده يريد ياذيك

وليش اللي صغتله ادموعك اكلادات

يبخل ليك دمعه وما يرويك

وليش الجرح من ينزف الم وهموم

وولفك لاهي عنك ما يمر بيك

ولا ينظر لحالك والنزفت عليه

حار ابجرح غيرك ما يداويك