شوفوا اشلون :
-إذا خلص الشامبو يحطوله مي
-إذا خلصت علبة النيدو يخلون بيها شكر
-إذا خلصت علبة الجبن الگزاز غسلوها و خلوھا گلاص
-اذا خلصت تنكة الدهن فإستعملاتها كثيرة (( يا يحطون بيها تمن لو برغل لو حبية او يگلبوها على راسها ويسووها كرسي ...او اصحاب المهن الحرة مثل النجاريين والحدادين والفيترجية يثقبون الصفاح مالتها ويحركون بيها خشب او حطب ويتدفون عليها ))
واذا خلصت كونية الشكر او التمن يعيدون خياطة الكيس ليكون علاگة قوية وتوسع كومة اغراض .
واذا انكطعت الفانيله ،شگوها نصين وسووها وصله مسح
واذا خلصت قنينة الغاز بطحوها عالعرض الى ان يطلعون روحها
وبزر الرگي لو البطيخ ما يذبوه بس يغسلوه وبعدين يقلوه بالطاوة ويگعدن اباب البيت ويچرزن ....ويدگن سوالف عالناس
وفي أيام الحصار اللعين ما يذبون قناني الماي الفارغه بس يگصون چعب البطل ويسوها محگان ويترسون بيها بانزين للسيارات
محد محافظ على
البيئة مثل
العراقيين كل شيء يسووله إعادة تدوير
لا و أزيدكم من الشعر بيت أي شخص أول مايفتح الآيسكريم (الموطه)، لازم يلطع الغطاء مدري ليش بس تحس أنه من ضمن التعليمات.. يرجى لطع الغطاء جيدا
فدوة اروح الكم ياعراقيين
hguvhrddk h;ev khs lpht/dk ugn hgfdzm !!!!