[الشاعر خضير المسيباوي]

كام الصدر من مرقده ....

گام الصدر من مرقده ... للجمعة راح لمقتده
********************************
(1)
للكوفة متعني الصدر ... من گبره أسفر چن فجر
بدمه ورصاص أهل الغدر ... وإتعنه لبنه أيسانده
گام الصدر من مرقده
(2)
لمن وصل يم كوفته ... لن الجموع أتلگته
ناده اليصلي بجمعته ... للمهدي يبني القاعده
گام الصدر من مرقده
(3)
شاف الصدر إبنه أعتله ... منبر جمعته وصد إله
إعبرهه يبني المرحله ... ولتهمك أفواه العده
گام الصدر من مرقده
(4)
گبلك شفت من حاربوا ... وي الظلم ضدي غدوا
متگلي شنهو الحصلوا ... من حربي گوم الحاقده
گام الصدر من مرقده
(5)
گام ونفض چفنه ورحل ... من كوفته لصوب الأهل
والمرتضى لمن وصل ... گام وتلگه والده
گام الصدر من مرقده
(6)
ناده وعلى الوجنة الدمع ... لأم مصطفى أرد أستمع
گالتله گلبي المنفجع ... عگبك ولالحظة هده
گام الصدر من مرقده
(7)
لن الصدر ذب خطوته ... راح ورجع يم تربته
وعينه على أبنه بكوفته ... وصه الرعية الراشده
گام الصدر من مرقده
(8)
أوصيكم بخير الخلف ... ضد الظلم وحده وگف
وجيش الإمام ألكم شرف ... للمهدي كل أحنه فده
گام الصدر من مرقده

المصدر: منتديات شيعة الحسين العالمية اكبر تجمع اسلامي عربي - من قسم: الشعر الشعبي

---

;hl hgw]v lk lvr]i >>>>