اي بنت الصدر الغالي راح اجاوب ولو مريضة مالي خلك للكتابة
راح اسولف حياة الاسبوع كله لان الايام مو كله سوى وماهي متشابهة يعني ماكو روتين لان متغيرة يوم كاعدة بالبيت يوم طالعة
اني في البيت مع ابي وامي واخواني الاثنين عندي وظيفة بس يوم واحد اداوم فيه الي هو يوم الخميس ادرس فيه بالجامعة وباقي الايام متفرغة للدراسة مرات اكعد بالبيت ومرات اطلع حسب الجو اكعد الصبح يله اقرر وين اتجه لان اراجع دوائر حتى اكمل بحث التخرج شوي اتاخر بين ما اصلي وافطر الصبح واجهز نفسي فد ساعتين يله اطلع يخلص الوكت بالطريق والازدحامات اوصل للدائرة يو احصل معلومات يو ارجع ماكو شي وقتي ما محدد بالرجعة بكيفي يعني مرات من وكت ومرات لا اتاخر لحد الساعة ثلاثة الظهر ارجع اصلي واتغدى واكعد على التلفزيون وي اهلي يو وية جهال اخوتي اسولف ماانام الظهر يطير الوكت بسرعة مرات اقراء شوي حسب الواهس واكعد على الحاسبة افتح المنتدى وهذا خلص اليوم اني مااشتغل بالبيت الا مرات قليلة واذا بنفسي شي اني اروح اطبخه خاصة اذا لكيتهم طابخين مركة فاصوليا لان مااحبه احب المشويات واللحوم لان مااكل لاتمن ولا مركة الاقليل ومرات اذا ماعندي شي واكون ضايجة اروح للجامعة وي صديقاتي بالدوام نسولف او اروح للسوك اشتري خاصة اذا اكون ضايجة اصرف الفلوس كله بالسوك وارجع اما يوم الخميس لازم اطلع من الصبح لان المحاضرة بثمانية ونص تخلص ارجع للبيت اصلي واتغدى و من يصير المغرب اصلي يو اتعشى يو ما اتعشى افتح نت ابحث عن مصدر يفيد معلومة احصله وافتح المنتدى انشر كم موضوع يصير الليل اكعد وي اهلي وبعدين اروح انام وتصبحون على خير خلص اليوم
مشكورة اختي الغالية على الدعوة