اللطمية: شلون بيه
الرادود: باسم الكربلائي - حسين الاكرف - صالح الدرازي و المزيد
شلون بيه لو قرب مني الأجل
وأخذ سمعي الموت ولساني انتجل
وظلت عيوني تدير على الأهل
تشوف حتهل الدمع لمصابي
شلون بيه النفس لو مني خمد
ومني ملك الموت أخذ روحي وصعد
وللمغيسل طلعوا مني الجسد
وقام المغسل يجرد ثيابي
شلون بيه بكفن لو لفوني
للقبر عقب الغسل
ونزلوني بحفرتي و واروني
وقام حفاري يهيل ترابي
شلون بيه لو مسيت بحفرتي
دار غربه و ويل حال لغربتي
لاعمل وياي ويرد وحشتي
وبعدت عني أهلي وأحبابي
شلون بيه لو ضغط جسمي القبر
وقام من خشمي حليب أمي يدر
شلون حالي من أوقف بيوم الحشر
ياخذ المعبود باستجوابي
شلون منكر لو لفاني للقبر
وقام ينشد بإيش قضيت العمر
شنهو ذاك الوقت من عندي العذر
وشنهو عن ذيج المعاصي جوابي
شلون بيه من أنطرد بأعمالي
والذنوب تصير كلها قبالي
وأدري منكر ما يرأف بحالي
ولا بحكم الله علي يحابي
شلون بيه من اوقف بيوم الحساب
شايل ذنوبي وجدامي الكتاب
شنهو عذري وشنطي للباري جواب
من يعاتبني ويزيد عتابي
شلون بيه من التفت يسره ويمين
بيومها يشيب من عنده الجنين
مال ما ينفع ولا تنفع بنين.
لا ندم ينفع وأعض أجنابي
ما يظل عندي وسيله ولا أمل
غير حب المرتضى خير العمل
حاشا لنا يعيفني بذاك المحل
وأنوخب بوادي حماه رجابي
وأصد للمحشر وأعاين للحسين.
موجب ينادي شفيع المذنبين
شيعه تغفر يا إله العالمين
بجاه دم اللي منه صاب خضابي.
مهيت لأجلك يا إلهي بالشمل
حتى يا معبود عبدالله الطفل
وراحت عيالي سبايا على الهزل
عقب ذبح أهلي وحرق أطنابي
شريت منك شيعتي بدم رقبتي
حتى تغفر بالقيامه لشيعتي
شوف حالي وشوف حالة جدتي
صوبوني وطحت من صوابي
*******************************
hgg'ldm: ag,k fdi hgvh],]: fhsl hg;vfghzd - psdk hgh;vt whgp hg]vh.d l;j,fm