قصيدة ( كعده ) من وزن شيعتي
ياوسفه وهظيمه ** بلا ذنب وجريمه
ليليه بسجن ظالم ** هاذي حالة الكاظم
***************
يدعي من ربه ويناجي ** وبالدُعه تحجي دموعه
جنه قران ويرتله ** صوته من يبـــجي بركوعه
يسأل الباري بسؤاله ** خاضع ولجله خضوعه
ظلام لا ما هدته * ذل القيود بسجدته * بالسجن طالت مدته
من هضمهه اتون ضلوعه
محرابه سجونه ** بيه كاظم شجونه
الباري هو بيه عالم ** هاذي حالة الكاظم
****************
من سجن بالبصره داروه ** والسجن بغداد الاكشر
ليله ميعرفه ونهاره ** والفجر ميـــــــشوفه لوطر
وشيعته احتارت بأمره ** للقـــــــــــــاء كلهه أتنطر
شيعته ظلت بالحزن * دمعاتهم لجله تحن * ماتدري وين بيا سجن
ولا علامه المنه تظهر
تسأل عن ظروفه ** رادت بس تشوفه
كل ظنهه يجي سالم ** هاذي حالة الكاظم
**************
بالسجن خلص سنينه ** والوكت كـــــــله عباده
يومه بصيامه وصلاته ** وراسه ماشاف الوساده
ليله ونهاره بشجونه ** ماعــــرف طعم السعاده
بالسجده حارب هالعده * واعضاه كلهه مكيده * ينتظر يومه وموعده
وينتظر يوم الشهاده
بالدمعه الحزينه ** خلصهن سنينه
اليمشي بمنهجه غانم ** هاذي حالة الكاظم
**************
يعلم الكاظم بأموره ** جنه حيدر وبصفاته
يدري بأيامه اليمرن ** آخر ايامه بحياته
وذني ساعاته اليهلن ** تحمل أخبار بوفاته
هذا الخبر خل ينتشر * شيعتنه خلهه تنتظر ** والجمعه موعد عالجسر
الشيعه ماتدري بمماته
عاش أبن الزجيه ** بالضيم واذيه
ماتدري شني الوادم ** هاذي حاله الكاظم
***************
من السجن طلعت جنازه ** جنهه مجهوله الهويه
ناده بأحقاده المنادي ** هذا امـــــــــام الرافضيه
سمعت الشـــــيعه بخبرهه ** هبت بغيره وحميه
سدت الشيعه كل درب * وأخذوهه بالقوه وغصب * نادو أعليهه بالكلب
هذا أبن سيد البريه
غسلوه بدمعهم ** شيعوه بحزنهم
نادو ياأهل هاشم ** هاذي حالة الكاظم
rwd]m gg;h/l u ( ;u]i ) vrl 1