[النبأ العظيم]

نور العباس

(( نور العباس ))

ضحك وجه الوگت من شـــــع ضوّه العباس
اوماتت من قهرها أشـــــــــــرار ذيچ الناس
ضحك ســــــن الصبُر من هل ضواك اليوم
اوصار إِعله الخلگ ينشــــــد فرح بحساس
فتح بيبان عزّه إِســـــــــــــــــــتقبل الحبّوك
عِلگ شـــــــــــــمع المحبه اوعطّر الأنفاس
وي خيط الفجر حنّـه الســـــــــــــمه بألوان
اودار إِعله البشـــــــــر يزگيها إِعذب كاس
رســــــــم صورت مجد ضوّت توالي الليل
مامرّت علينه إِبلوحـــــــــــــــه لو قرطاس
اوعله جناح المســــــــافر دز بريد الشوگ
يهني الناس بالفرحـــــــه اونِصب الأعراس
نثر ورد الجنــــــــــــــاين كل ركن بالكون
وبإِيده الصـــــــــــــــــواني إِتزينت بالياس
ذب إِثياب حـــــــــــــــــــزنه اوودّع الآلام
بچفوف المسرّه شـــــــــــــد حبل لاجراس
من وجـهه الكرم فاض اوتعدّه إِحــــــــدود
غده ايوزّع أماني اوخالف المقيــــــــــــاس
يم إِعتــــــــــــــــاب بابه الفرح صار إِدور
كل همّه يدوّن إِســــــــــــــــــــمه بالكراس
خلاني بعقل محتـــــــــــــــار مدري شلون
گُمت إِضرب إِبفكري أخمـاس ويّه اسداس
شنهو الصـــــــــــــار ياسن الصبُر فرحان
ولمن شــايل اورود العشــــــــگ عالراس
گلّي شــــــبيك موكلنه اوصرخنه إِبصوت
إِنولد راعي الكرامه اوللخــــــــگ نبراس
عضيد حسين هاذه وانتــــــــــــه تعلم بيه
فده إِبــدمّه الاخوّه اوثبّتلها الســــــــــــاس
هاذه إِبن الصميده الدحـه إِبچفّه البــــــاب
اخذ منّـه الفخــر والجـــــــود والنــوماس
من أم البنين إِتغذّه حُــــــــــــــــب حسين
ولزينب يصير ويــــــــــــه خوته حُراس
هاذه الي جســـــــــم جيش آل اميه إِثنين
وبكلب النهر بچـــــــــــدامه غصباً داس
************
بقلم / سعد مطلوب الخفاجي

المصدر: منتديات شيعة الحسين العالمية اكبر تجمع اسلامي عربي - من قسم: الشعر الشعبي

---

k,v hgufhs