يمن مهدك ملك جبريل لــــوله=ربك خالقك ما بيك لولـــــه
اندثر دين الإسلام وضاع لوله=نحرك والطفل وختك سبيه
---------
شاءت الأقدار تجري بكربله
ميسره تروح اليزيد العايله
قـرر وشــاء الإلـــه
يشاهد حسين بدماه
ميسره تروح ليزيد العايله
شاءت ألأقدار تجري بكربله
--------------
أيها المقتـول ظلماً في بوادي كربلـه
شيدت للدين ركناً في دماك الســـايله
فوك راس الرمح راسك يقرَه حمد وبسمله
هاي أراده من الجليل
باللطف يشوفك قتيل
ميسره تروح ليزيد ألعائله
شاءت ألأقدار
-----------
أيُها المقتولِ ضامِي يبن سيد ألا نبــــياء
شـيدت مجداً تليداً في ميادين الإبــــــــــاء
شامخاً مثل الرواسي شيدت للعز بنـــــاء
رغم أنف الظالمين
خالد بطول السنين
أصبحت نبراس يضوي مشعله
شاءت ألأقدار
-----------
بنهضتك يبن ا لزجيه أرسيت منهج للأبــــاة
علمت كُل ألبـريه ترفض أحــــكام الطغاة
ما ردت كرسي ورئاسه ولاجنت طالب حيات
من شفة دين الرسول
تحكمت بيــــه الذيول
أرخصت دمك يبو الأكبر ألهَ
شاءت ألأقدار
--------------
ثورتك يـبن الهواشم حَـقَقت بيها النجاح أنتَ موطالب الدنيا طالب ألدينك إصلاح
حققت رغبت ألهادي أحيت حيّ على الفلاح
بدمك وكطع الوتين
ثبت دين ألله ألمبين
رغم أنوف الجــــــــــاهله
شاءت ألأقدار تجري بكربله
----------
يلتناشدني وتكلي شل سبب خالـــــــد حُسين
هاك أسمع سر خلوده أسمـــع شكال الأمين
حسين مني وآني منه حسين شوفي ونظرعين
حسين بعـدي يقيم ديني حسين قـُرأناً مـبـيـن
حسين عنوان الرساله
يضحي أطفاله ورجاله
يصير كعــبه بكربله
شاءت ألأقدار تجري بكربله
---------------
ضـحى أبوالسـجاد نـفسه ضحه عباس البطل
ضحه بالأكبر وجاسم ضحه شــــــــبان وطفل
ضـحى أنصار وهواشم بالخـيم مـاظل رجـل
بيه بس ضل ابوالباقر بالمرض جسمه نحل
كان حق على ألإله
يكرمه ويـرفع لواه
في سبيل الله ضحى بكُل هله
شاءت ألأقدار
---------------
ضحه روحه وأهل بيته ضحه بالطفل الرضيع
ضحه أبو فاضل العمده على النهر جفه قطيع
ضحــــــه بالحره سبيه لبن مرجانه الوضيع
هاي أسرار الخلود
صار كعبه للوجود
تحجَه بل آلاف كُل ساعـه المله
شاءت الأقدار تجري بكربله
----------
صاركبر حسين كعبه تحـــجه آلاف ألألــــوف
تهتف بأسمه وتلـبي مثل مــا بالحج تطــــوف
سيل جارف بأربعينه تزحف الوادم زحـــــوف
موش بس شيعة الزهره تحرم بوادي الطفوف
من جميع ألأمم تزحف
بحب ابوالسجاد تهتف
تعتني تزورالغريـب مهروله
شاءت الأقدار تجري بكربله
ميسره تروح ليزيد العايله
خادم الحُسين ع
الرافضي
سيد كاظم الشرع الموسوي
ahxj hgHr]hv j[vd f;vfgi =hgvhtqd sd] ;h/l hgavu jov[ f;vfgi=