في استشهاد علي الاكبر عليه السلام
( خطاب الاكبر للامام السجاد سلام الله عليه )
أكبر و العليل // بوداع و عويل
بين الخُوَّه و عتاب // دمعة حزن و مصاب
**********
ضجَّت بالكدر لأكوان بين اموادع الإخوان
لكبر يم علي السجّاد يهمل عبرة الأشجان
يگِلَّه يا عضيدي اليوم ألَبّي دَعوَة العطشان
ولا ظن نلتگي هيهات اوَدعَك خويه للرحمان
بفراگي الطويل // يرعاك الجليل
و هٰذا الأمر بكتاب // دمعة حزن و مصاب
***********
يگِلَّه خويه هٰذا اليوم أبارز سَطْوَة المحتوم
و اجاهد و الگلب لهفان و أخلّي الحومه تجري ادموم
و أشَمُّر شَمْرَة الكرار و أفلها عسكر الميشوم
و أخليها گلب بجناح ذهيله و بفزعها اتحوم
سيفي و الرِگاب // موعد للعذاب
المعاره ساحة احساب // دمعة حزن و مصاب
***********
يميني تگلب الميدان جَهنّم ع الخصم و حشود
و فؤادي يلتهب ضَميان يَخويه بلهفته ممرود
و لاچن من ينادي احسين آنه بغربتي مفرود
ازعل ما اريد الماي و أسِلها غيرتي و الزود
و أهتِف باليقين // لَبَّيْكَ حُسين
و أصدها جند لأحزاب // دمعة حزن و مصاب
************
يگِلَّه من گبل لاروح أريدن يالولي اوصيك
وديعه أُمي يا سجّاد عساها عيني ما تبچيك
إذا منها دموع اتسيل عليك الله عهد انطيك
تگِلْها يُمَّه لا تبچين علي بمعَزِّته ناخيك
و بسبي اللِئام // تواسي هالأَيَام
و متنها صعبه ينصاب // دمعة حزن و مصاب
************
و إذا بويه برحىٰ الميدان ينادي من يجيني يشيل
إبني صورة المختار لِواني بفرگته هالويل
أريدك يالأخو اتعينه إذا لك بالفجيعه حيل
أبويه منكسر ظهره وسافه من عَلَيّه يميل
يلفيني قتيل // و ادموعه تسيل
تساعد گلبه لو ذاب // دمعة حزن و مصاب
**********
يَخويه و لو رِدِت دفني أنا وَي جملة الأنصار
اريدن تحفر لكتري تحت اقدام ابو الأحرار
و اريد اعضايه تجمعها وذر جسمي من الأشفار
يخويه شيلتي صعبه اخاف لحالتي تنهار
راسي إعله الرماح // و جسمي بس جراح
و صعيبه دفنَة أحباب // دمعة حزن و مصاب
ابو شهيد الأحسائي
السبت ١٤٣٨/١/٦هـ
H;fv , hgugdg LL f,]hu u,dg - g'ldm H;ev hgugdg