بسم الله الرحمن الرحيم
السلام عليكم ورحمة الله
حلمت وكأني اجهز لزواجي من (شخص اعرفه واقعاً تقدم لخطبتي لكن ابي ماوافق ولم يعطه رد واضح منذ شهور ) وبالحلم انا فرحانه واقول له انا مو مصدقه ان ابي موافق وانا وهو فرحانين لان بنتزوج من بعد سنين وانا اسأله عن التجهيزات وهو يقول كل شي تمام وفرحانين جداً وبعدها كاني اتدرب كيف امشي وانا عروس واتخيل نفسي بالثوب وجات لي اختي تقول بتجرب كيف تسوي شعري للزواج لان الزواج بيكون ببيتنا وبعدها قلت لها اني سألبس الثوب الاخضر التركوازي وفيه نقش ذهبي بعد ثوب العرس عشان تسوون لي جلوات فيه وقالت اختي ان شاءالله
وبالحلم كل شي صار بسرعه وبس تجهيزنا للزواج كانه بثلاث ايام فقط
النوم على غير طهاره
عزباء
حلم اخر
حلمت وكأني بمدرسه وهذه المدرسه كانها بيتنا القديم وفيها بنات كانوا يدرسون معي وكنا كلنا نلبس العباءه لنستعد للخروج وانا لابسه العبايه لكن ادور على حجابي ولااعلم اين وكان فيه حجابات بنات الا حجابي ادوره ومسكت حجاب وانا ابحث عن حجابي قامت بنت سحبته بشده من يدي ونظرت الي نظرات حقد وقهر ( بالواقع كانت زميله وصديقه منذ سنوات وبعدها قل التواصل بيننا ) وانا تعجبت من فعلها لاني كنت باسلم عليها وفرحت اني شفتها من سنوات
وكملت بحث عن حجابي بعدها كاني حصلت على حجاب وكانه يخصني لكنه مو اسود كان مزخرف وفيه فصوص تلمع والوان وانا صرت في ضيقه وحزينه كبف اطلع للشارع والناس تشوفني بعذا الحجاب اللامع والمزخرف مع انه جميل جداً
hv[,h hgjtsdv