السلام عليكم ورحمة الله
تراب البقيع دومك مبدع وتختار مواضيع روعة
بس انا عندي طلب من الاعضاء
(عليكم العباس لحد يزود ولاينقص احجو اليصير بضبط .gif "1 (3)")
)
طبعا احنه 4 اخوان نسكن نفس المنزل انا الوسط فيهم وكل واحد من عدنا عنده عمل مستقل
انا عملي يعرفونه العراقين لان شالع كلوبتهم عندي مولدات كهرباء سحب يعني اغذي منازل المنطقه بلكهرباء
وانا واخي الاكبر مني نعمل بمحلنه مركز المرتضى للحاسبات والموبايلات هسه وضحت الفكره
نبدي كعدت الساعه ال9 او8 الصبح فطرت كملت رحت للمولد اشوفها شمحتاجه اذا في عطل يعني اتصلت بلميكانيكي
او اذا بسيط انا اصلحه طار نص النهاراذا مافي عطل طبعا وهاي اغلبية الايام مافي عطل والحمد الله
بعد ماكملت من المولد رحت للمحل كعدنا صيانة حاسبات او تجهيز حاسبات او طباعه او استنساخ نخلص الحد الساعه 12 الضهر رجعت للبيت اتغدينه وصلينه
نضل كاعدين بلبيت مع الاهل العصر اروح للمحل الحد الساعه 9 مساء نعزل المحل ارجع للبيت اتعشى اكمل اطلع للكوفي شوب مع اصدقائي وارجع الساعه 12 او 11 مساء اذا الي واهس افتح نت واذا مالي واهس الف راسي وانام وهاي هيه حياتي بس للعلم ايامي مختلفه يوم عن يوم بس هاي اغلبية الايام هيج
العضوء الي بعدي
ام حسين ولو هيه غايبه هليام عن المنتدى
وشكرا لصاحب الموضوع الرائع