يبني شلون كلبي جواني ** يبني شلون هيج حناني
****************************************
جنت متأمله تكبر يضي عيني ** يبني حال دهري بينك وبيني
درحمني ييمه بصرخه حاجيني ** بين النار يبني ودمعي يجويني
حزن الكون ياذي وملاني ** يبني شلون هيج حناني
**********************************************
يعبدالله
الرضيع الدم يظل آيه ** شعجب يبني يشح العلكمي بمايه
ودمك للفضه يرفرف مثل رايه ** هم أحلم واكول تردن ويايه
يبني الهم والدمع اجاني ** يبني شلون هيج حناني
***********************************************
شكلك والحزن ياذيني يايمه ** يريتن دمعي بيه ولاله ما تضمه
علي بغيابك الدنيه اصبحت ضلمه ** نحرك وين يرجع يبني واشتمه
آه وآه لوعة زماني ** يبني شلون هيج حناني
************************************************
شعجب سهم المنيه يصيبك يذبحك ** وعطش جبدك كبله بروحك يجرحك
وليل الهم سواده اللي ذبح صبحك ** دمع الكون مايكدر على شرحك
بيك اليوم دهري لواني ** يبني شلون هيج حناني
************************************************
يظل حجري ييمه والمهد خالي ** أصد عليهن ويلجمني دلالي
صورة ضحكتك ماتنمحي ابالي ** شنهي الدنيه نحرك غير أحوالي
ريت الموت بعدك خذاني ** يبني شلون هيج حناني
************************************************** *****************************
rwd]i fpr uf] hggi hgvqdu ugdi hgsghl