- مصايب فاطمه من وين أبديها
- ------------------------
- شكتب عن فضائل أم أبيــــــــــــــــها=والهادي أبوها بروحه يِفديـــها
- شما أكتب وحاول أجمع ألأضــــــداد=فضل وحزان ما أگدر أغطيـــها
- طـُهرها بكل نساء الكون ما موجـود=ولاحتى البتول أم عيسى تدنيها
- مُستودع أسرار الباري المعبـــود=حتى أمها خديجه ما تصل لـــيها
- معصومه وزچيه وبت نبي مبـعوث=رحمه للبشر من غيها ينــجيـها
- الغـَضبها يغضب الجبار باري الكون=يرضى من رضاها على اليواليها
- شرايك بالغصب حگها وهجم للدار=كسرضلع البـتول ومــا رحم بيها
- هم معقوله يشتم ريحة الجـــــــنات=ألجحيم تفورتزعل من يطب ليها
- ---------------------
- منين بدي القصه ما اعرف شلون=يا محنه أعوفن ياهي الحچيــها
- أبدي من فدك من كسرت ألأضـلاع=لو سَم النبي المـــــختار هاديـها
- لو من الجنين الطاح يم البـــــــاب=لوطبرت علي بالكــــوفه ناسيها
- ابدي من الحسن چبده وذر مسموم=لو من كربله هل القصه ابديها
- أبدي من الحسن والكربلاء نروح=من حسين الغريب القصه نرويها
- لو نفرض جدل هاجر فجعها اِلبين=حزنها على النبي إسماعيل ماذيها
- نعم هاجر بچت شافت أثر للسـيف=ما شافت سبايه الهضـم عــاليـها
- لاچن فاطمة شافت مُصاب حسين=صريع بكربله وعيــــاله سابيها
- زينب باللطـفوف تصور ألأحداث =مباشر تخـــبر الزهره وتناديـها
- هذا حسينچ المظلوم تحت الخـيل=ذبيح بكربله وچفــــــانه ذاريها
- -------------------
- ردت بت علي تحشم علي الكــــــرار=أحضر يا علي للعايله أحـمــيها
- بويه من المدينه وحضرة سـلـــــــمان=شلون اليوم زينب مــا تجي ليها
- ضرباتك وتر يا حيدر ومعــــــــــروف=تضرب ضربه وحده ومــا تثـنيها
- أليفر من سيفك ألفـقار مــــــــــا ينلام=تعتبره العرب ضيـغم براريـــــها
- سيفك سيف ألله ونزله المعـــــــــبود=يعني الموت بالمـــــيدان تانــــيها
- الكل منهم شهد بالخـندق أشســـــويت=على باب لحصن عليت سـاريها
- عفه صبرك يحيدر ما گلبت الكون=من شفة العقيله الشمر سابيــــــها
- وحسين الغريب من الگفه مذبوح=وجفوف الگمر عل نهـــــر گطعوها
- ========
- الشاعر الرافضي
- سيد كاظم ال حمادي المحمود الموسوي
lwhzf th'li=sd] ;h/l Ng plh]d lpl,] hgo,hvd hgl,s,d =sd] lwhzf hgavuL1437 th'li