[الامير الياسري]

دخيلك ياعلي للذنب ماأرجع

((دخيلك ياعلي))

******************

دخيلك ياعلي للذنب ماأرجع ** كل ظني ّويقيني بالحشر تشفع

وآني وحظّي أتصبّر

لاأصفه وليتغيّـــــــر

بابك للرجه يابو الحسن أوسع

*************

ثگيله ݘفّت الميزان من ذنبي ** وخفيفه ݘفّت الاعمال من تعبي

بلطفك ياوصي أحضرني

وراويني الذي أيسرنــــي

وبيوم الحشر عنّي البله تدفع

***************

العمر جازي عليّه أوتايه حسابي **بيميني لويساري آخذ كتابي

غافل ياوكت أصحــه

أمأمّن عندك الصفحه

تشيل اليضرمنها أتوقّع الينفع

****************

للباب وصلتها ومستحي منّك ** واثق من حنانك وبحسن ظنّك

أجيتك شايل ذنوبــــــي

دخيلك صير من صوبي

يابو الحسن منّك بالقليل أقنع

*************

هم تحتاج جاه وأنشد أبجاهـا**انشدك بالزجيه والنبـــــــي طه

وسألك بالحسن وحسين

يوم الرجعه گرالعيــــــن

ومن اسمع الصوت أوي الݘفن أطلع

***************

الصعب عندك سهل والمشكله أتحلها**ويامعضله صعبه ما تسهلها

أسمك بلسم جروحي

دمعتي أرحم ونوحي

من غيرك أخافن أخسر مربّع

******************

منقول

المصدر: منتديات شيعة الحسين العالمية اكبر تجمع اسلامي عربي - من قسم: الشعر الشعبي

---

]odg; dhugd gg`kf lhHv[u