[OVERLINE]لسان حال زينب (ع) وهي تخاطب كفيلها للشاعر المبدع عباس العبادي سوق الشيوخ
[/OVERLINE]
ها عباس اكلّك لو فشل منك
هذن طكَّات متني ايلاوذن عنّك
السياط العلى امتوني اطيور تشرب ماي
فداك امتون اخيتك لا ايغيضنّك
غركَ بشفايفي الصوت ,او سواجي الريح
خدرن ما بعد بالصوت يسجنّك
علت يم نور وجهك ضحكة الدخّان
لو ركّن اعيوني او ما ايوجدنّك
يماي اعيونّه اجفوف السيوف البيض
اشلون اعله التراب الحار يجفنّك
انكسر ضلع الضوه ، او ضلعي اوبكايه حسين
خبيثات الحوافر لمن سحكنّك
الكون او ما رضيت ايلوح صدرك ماي
الحوافر والرماح اشلون رضنّك
طفل شالك علي او ضاكَ النفس بالنيل
يعباس المنايه اشلون شالنّك
شكفت اطيوف عينك موش عوزي اطيوف
شكفت اطيوف عينك لا ايلجمنّك
او زفّيت الجفن لطيوفك الترفات
وانته اطيوفك اعلى الظعن بدّنّك
يبعد اختك امتوني , او كَيد اديه الحار
فدوه لطول اديك الما ايعيننّك
gshk phg .dkf (u) ,id joh'f ;tdgih ggahuv hglf]u ufhs hgufh]d s,r hgad,o