يا علي… حن إلك آذان الفجر
يا علي… أيتامك إبابك تنتظر
يا علي… شيصبره المودع الصبر
ــــــــــــــــــــــــ
يا صراط الرب حبل وصل السمه
يلي صوت الحگ علي بزودك نمه
الما حسبته حيدر تخضبه الدمه
وبموته عدوانه تبات بغانمه
صعب درب الهدايه .. البطل حامي الحمايه ..يخضبونه بدمايه
يا حزن ... يرقه يبويه لطبرتك
يا حزن… ويا دمعه لتداوي هامتك
يا حزن…وياونه وآهات وقهر
ـــــــــــــــــــــــــ
ليا هظم رحت وعفتني ليا ألم
للمدامع بويه لو حرگ الخيم
تدري إبفگدك ركن عزمي إنهدم
ومن مرامي الهم سهم يتبع سهم
لون تبعد سفرتك.. أخذ يالغالي بنتك.. اموت انه بفرگتك
ليا هظم… زينب عفتها يالولي
ليا هظم… طول العمري بيه تصطلي
ليا هظم… كسرت ظلع راس أنطبر
ـــــــــــــــــــــــــــ
حل ظلام الليل بويه يالامير
من بعدك وجهك بيمن نستنير
يا سند جارك يخبزة كل فقير
ما سوى المرسل الك حيدر نظير
لون عارض لفانه.. عطف كلبك دوانه.. مثل أمنه بحنانه
يا حلم... وبسمة اعله شفا كل يتيم
يا حلم… وجنة محاويج ونعيم
يا حلم… وليلة قدر تكظي الفجر
ـــــــــــــــــــــــــــــ
ضايع الفارگ ابوه يعيش غربه
تبره اله الونه وتصير وياه تربه
عليه دهري من الزغر كل ضيمه صبه
من گبل حيدر زجيه طه قربه
الفگد عوده وي امه.. چبير وياذي همه.. اللحد ارحم يضمه
الباليتم… لو تمسح براسه الخلك
الباليتم….ماهو الي عن اهله افترق
الباليتم… الفاگد علي خير البشر
ـــــــــــــــــــــــــ
اليصبر تخلص محنته وتنجلي
ومره يمكن كل حياته يبتلي
وزينب تكمل مصايبها بعلي
ويعلم الله البعده ياهو من هلي
هظم زينب فلا صار.. بده من حرگة الدار.. وحبل يتناها والنار
فاطمه …صرت انه من بعد الزچيه
فاطمه …تخلص رزيه ابدي برزيه
فاطمه… بعد النبي راد القدر
dh ugd pk Yg; h`hk hgt[v