خيم يحسين
للرادود: حسين الاكرف
الخيم يَحسين محروﮔـَه .. و أنا هوَد عَـليَه الليل
و راسك راح للكوفة .. و جسمك رضضنه الخيل
رضيت بليلة العشرة..و شدايدها و لا دامت
و ﭼم مرت عَـليَه ليال..مني العين ما نامت
وين النوم و الـﮕـعدة..و هاي أيتامكم هامت
شي ماتت من الروعة..و شي ظلت تحن بالويل
*** *** ***
الخيم يَحسين محروﮔـَه .. و أنا هوَد عَـليَه الليل
و راسك راح للكوفة .. و جسمك رضضنه الخيل
بنص الليل يَبن أمي..و لن طفلةفـﮕدناها
أثاري فرت بدهشة..تحوم و ماحد وياها
وحدي طلعت أدورها..و أدور وين ملفاها
و شفتها وياك ممتده..و على خدها دمعها يسيل
*** *** ***
الخيم يَحسين محروﮔـَه .. و أنا هوَد عَـليَه الليل
و راسك راح للكوفة .. و جسمك رضضنه الخيل
جبتها وياي للخيمة..و لن اختك تناديني
يَزينب ﮔـومي دوري وياي..راحو وين طفليني
طلعنا نفتش الوادي..و لا توجد درب عيني
و لن وجوهم لَيَه..تلوح تـﮕول نجم سهيل
*** *** ***
الخيم يَحسين محروﮔـَه .. و أنا هوَد عَـليَه الليل
و راسك راح للكوفة .. و جسمك رضضنه الخيل
شحـﭽـي لك يَـنور العين..دهري الشوم راواني
و هضم الما جرى و لا صار..بالمخلود راواني
شفتهم يالولي ميتين..و واحد حاضن الثاني
الكبير على الأخو حاني..يضمه عن وحوش الليل
*** *** ***
الخيم يَحسين محروﮔـَه .. و أنا هوَد عَـليَه الليل
و راسك راح للكوفة .. و جسمك رضضنه الخيل
تمنيته يطول الليل..و لو هالحالة الـﮕشره
يوم اهدعش يوم الشوم..ريته لا طلع فجره
انكشف ليَه الضوا و لاحت..جنايزكم على الغبره
و جتنا النوﮒ مهزوله..و حادينا يصيح نشيل نشيل
*** *** ***
الخيم يَحسين محروﮔـَه .. و أنا هوَد عَـليَه الليل
و راسك راح للكوفة .. و جسمك رضضنه الخيل
يصيح نشيل مَتـﮕلي..يَخوي شلون هالشيلة
أدور للحريم ستور..لو تركيب هالعيلة
ضاع البصر و التدبير..خويه و ﮔـلَت الحيلة
و أطفال الفـﮕدناها..دفناها بلا تغسيل
*** *** ***
الخيم يَحسين محروﮔـَه .. و أنا هوَد عَـليَه الليل
و راسك راح للكوفة .. و جسمك رضضنه الخيل
__________________
odl dpsdk ggvh],]: psdk hgh;vt l;j,fm