اني ماانتمي لاي حزب ولااميل الى اي كتلة ولااادافع عن احد معين انا شيعية اصير وي اي شيعي غيور على بلده لكن من خلال الواقع اشوف المالكي الرجل المناسب للقيادة صح مو معناه انوا ماكو غيره لا اكيد اكوا عدنا قادة من الشيعة لكن اصبحت على قناعة اي شخص يجي يحارب من قبل الكتل الشيعية وينتظرون الزلة منه ونعيد نفس الرنه السنة مدام يجي شيعي يعتبرن نفسهم مضطهدين وناس تدافع عن السنة وناس تدافع عن الاكراد وينسون الشيعة المساكين الي منهم وبيهم هذا الحال تكرر صار اياد علاوي والجعفري نفس المشكلة
هسة الي فهمته من كلامكم انوا احنا الشيعة مهمشين فقر وبطالة اني وياكم صحيح ليش لان الساسة والزعماءالشيعة حايرين يطالبون للسنة حقوقهم وناسينا قهر لمن يطلع احدهم ويكون اقصاء وتهيش السنة وينعت المالكي بالطائفية بدل مايخلي بعينة الشيعة الي منا وبي يومية عشرات الي يموتون بدون ذنب وينقتلون على الهوية حاروا يصيرون بالجيش منبوذين ويسموهم جيش المالكي طبعا يكعدون عطالة وهم تجيهم المفخخات وتموتهم
طلع فد يوم سني من الي يسموهم معتدلين وكال الشيعة مظلومين ومهمشين ماكو احنا ليش جماتنا يجاملون زايد ويحاولون يكونون تبعية للغير يو ننتظر حاتم سليمان هذا البدوي راعي الابل يصير علينا رئيس وزراء ذاك الوقت هم محد يطالب بحقوقنا لاشيعي ولاسني
صارالي صار ودخلوا داعش الموصل هاي ازمة يمر بيها البلد وقت عتاب ولوم وانتقاد وتصفية حسابات يو كلهم يجتمعون شلون يتخلصون من المأزق الشيعة تنقتل وتروح ضحاي وهم كاعدين بس يهتفون والي منهم صف وي الاكراد والي منهم وي السنة وهم مراح يتضررون احنا الي نوكع بيه كلمن مطلع عائلته وفلوسه بر العراق ويكدر يعيش باي دولة واحنا النا الله ضحية هذا وذاك على الاقل المالكي اله موقف ثابت مو متقلب مثل البعض
صحيح اكو نسبة فقر عالية لكن اي دولة عدها فقر هاي السعودية بيه فقرة اكثر من العراق الحمدد له احنا بلد خير لكن مع الاسف الساسة الضعفاء والخونة والسراق هم من اوصلونا الى هذا الحال وهاي مسؤولية المحافظ التبليط والاعمار
ليش كتلة المواطن والتيار بعيدين على العملية السياسية مو بالبرلمان ويستلمون رواتب يو شنو ؟؟؟
يعني رئيس وزراء تدريه يصير وزير ومحافظ وموظف وضابط وين اكو هيج واحد
ليش يطلبون من المالكي يتنازل ؟؟؟؟؟لنفترض تنازل المالكي ..
وبعدين ..؟ شراح يصير .؟؟
السنة راح يبطلون سوالفهم
يو الشيعة يجي واحد ينصفهم ويرضي الكل
اكيد اول مايصير تبدي المموأمرات ضده وياويله يو انطه قرار يعارض فئة معينة تنكلب الدنيا