اقراها
وافتخر بأنك شيعي ...........
بسم الله الرحمن الرحيم
اللهم صل على محمد وعلى آله
&&&&&
7
7
7
7
7
7
7
7
7
يعرف رجل بأنّه مختل عقلياً في الأحساء قديماً...أسمه (بو شـــيبل).
في وقت كان بن جلوي يحكم الاحساء..
وهذه الرجل برغم إختلال عقله, يعتبر شخصيّة متدينه ومتعلقة بحب محمد وال محمد..
شخصيّة ظريفة...سريع البديهة..حكاياته في هذا الجانب كثيرة....
يتناقلها بحكاياتهم كبار السن بـــــــ (كان يا ماكان في قديم الزمان)...
ويحكونها على شكل حزاوي... لطيفة ومفيدة ...
وهناك حكاية لهذه الشخصيّة ,, أردت ان أكتبها...على حبّ أهل البيت عليهم السلام..
إليكم يا أحباب... قصّة من أوّل باب...والّلي ما يصلي على النبي واله!! ما طاب.
(بهلول هجر)
من المعلوم أن بن جلوي كان عنده مجلس يطلّ على سوق القيصرية..
يوم من الأيام كان جالس... وفي مجلسه مجموعة من وجهاء البلد,,شيعة وسنّة...
بن جلوي رمق بو شــيبل يمشي في سوق القيصريّة...!
وهذا ان دلّ! انّما يدلّ على شهرة هذا الرجل...إثر طرائفه وفكاهاته..
أرسل بن جلوي مستخدميه لجلب بو شــيبل الى المجلس...
جاؤ به... أجلسه بن جلوي بنفسه,, مصحوباً بالترحيب, والتحايا واللطف...
ثم توجه بكلامه لأعيان الشيعة الموجودين..
قال: ياشيعة... تعرفون هذا!! طبعاً تعرفونه!!
رد بعض الشيعة: اي نعرفه , هذا بو شيبل..ونعرف انّه مجنون..
بن جلوي: طيب, طيب.. خلاص انتهى كلامكم..
بعدها وجه كلامه لاعيان السنه..
وقال: أبيكم تشوفون لي واحد مجنون سنّي.. تجيبونه لي الحين الحين...
قامو مجموعة من رجالات اهل السنّة...
وطلعو من المجلس...
وصارو يدورون لهم على خبل سني...وكل همهم.. انهم يطيحون على واحد أقل جنون...(يفهم شوي)
عشان يقدرون يوصّونه... مع انهم ما يدرون ليش بن جلوي جايب مجنون شيعي
وطالب مجنون سني!!... لكنهم حسّو بالسالفة انّ فيها قضية مذهبيّة..
صارو يحوسون ويجولون في سكيك الصالحية.. وحوالينها.. ويسألون عن مجنون نص ونص..
المهم انهم فعلا
صادو لهم مجنون نص ونص
يعني يفهم ويتكلم مظبوط... وجنونه حالات نادرة...
وصارو يوصّونه: خلّك ذرب... وامسك على مذهبك.. تراه هو الحق..الخ... ولا تنسى تسوي نفسك مجنون... لا تتعيقل وتتفلسف..
وتفضحنا... ترى بنربطك وبنمزع بدنك..وإذا خلصنا وسوّيت اللي قلنا لك! بنعطيك فلوس...فهمت!!
رضى المجنون... وقال : إنزين..
وصلوا مجلس بن جلوي...
ومعاهم المجنون السنّي...
بن جلوي للمجنون السني: شسمك يا ولد؟
المجنون: خويلد..
بن جلوي: تعال يمي تعال تعال....
المجنون السني وصل عند بن جلوي..
بن جلوي مسك المجنون وقال له: شوف يا خويلد
انا بعطيك ريال... الحين أعطيك ريال... بس ابيك تصير شيعي...
المجنون رد والابتسامة شاقّة وجهه : اي والله عمّي عطني الريال والحين اصير شيعي..___
عطاه الريال وقال بغضب : إخذ ريالك, وإقلب وجهك يا الاهبل ...
طار المجنون السني فرحان ينقّز وهو يقول: هيـــه هيـــه صرت
شيعي وحصّلت ريال... صرت
شيعي وحصّلت ريال...قصّينا عليهم..
إخظــّـرت وجوه أعيان أهل السنة وازرقــّـت...
صارو يحافصون برجولهم من دون كلام..وبعظهم تلطّم بغترته..
إلتفت بن جلوي على بو شيبل... مسكه من إيده...
وصار يتكلم ويّاه بأحلى وأعذب كلام..
بن جلوي:ها ولدي بو شيبل!! وش تطلب منّي شي اسوّيه لك؟؟ايش تبغى؟ بيت؟ نخل؟ مرة؟
بو شيبل بلّق عيونه من الفرح وقال: اي والله عمّي أبي ,, أبي...
بن جلوي: شوف يا بوشيبل, انا بعطيك 1000ريال(1000ريال تساوي ثروة طائلة في ذاك الوقت)..
وبعطيك نخل... وبزوجك مرة... وبشتري لك بيت... بس أبيك تصير سنّي!! تصير؟
بو شيبل, من كان الفرح في وجهه... وكان يسحك إيديه في بعضهم..
مثل اللي بيحصل شي او هديّة او جائزة...
سمع كلمة تصير سنّي !!!!تغيّر وجهه الى الحزن... وصار اصفر...
وكعوش وجهه... نزّل راسه ...وسكت..
ردّد بن جلوي نفس الكلام وأتبع بـــ: ها شقلت بو شيبل؟؟ لا يفوتك.. تكلّم لا تسكت..
أخيراً نطق بو شيبل وقال: والله يا عمّي....... انا أنا,,,,أنا شـــِـذِه!!! وخايف... شلون أصير سنّي؟!!!!!!!
لوّح بيده تجاه بن جلوي باشارات وعلامات الرفض وهو يقول ما ابي ما ابي
بن جلوي: ليش يا بو شيبل؟
بو شيبل: يا عمي النخل يمكن يحترق بالطبينة
والبيت يمكن يهدمه المطر
والمرة يمكن تصير بطيخة قرعة
بس حب البطل علي شيردهـ ؟؟
ضحك بن جلوي... وعلت وجوه أهل الشيعة إبتسامات
وعلامات النصر الولائي لاهل البيت عليهم السلام
نهاية القصة..
حتى مجنوننا لا يحتمل ان يفترق عن حبك يا أبا تراب .
.
إن كآن عُشق علياً جنون فَ جنة الخُلد مشفى المجآنين
تحياتي لكم