[فرح]

لأن تضوي وترف

لأن تضوي وترف.. إبلمسة أيدي اتذوب
تخجل من ضواك وتنطفي الشمعة

يالعينك سفينة تعاند الملاح

تشك روج البحر بس تغرك بدمعة

من كد ماترف ينشاف بيك الماي

وبجيدك نزل شلال مومجعه

ماجلجل علينه من الكصيبة يغار

ومسودن الليل وجيب الي يقنعه

عله خدك ضوه.. شمس الله بي تحتار

وتبجي ويه الاذان وتنحب وتنعه

يالهمسك غنه ويالصفنتك موال

وصفة لكل مريض يطيب الييسمعه

بالليل انته واحد بالنهار اثنين

لان ظلك مرايه وعينه اتبعه

واظن عشرين وازيد حملت امك بيك

لان دقه جمالك موشغل تسعة

المصدر: منتديات شيعة الحسين العالمية اكبر تجمع اسلامي عربي - من قسم: الشعر الشعبي

---

gHk jq,d ,jvt