اللهم صل على محمد وآل محمد
ندري أسباب الخيانه ... والله يشهَد
حتى ما تكتب وصيتك ... يامحمد
حِسبَوا إحساب ... ينكِسر باب ... يامحمد
يامحمد من دِنت ليك المنيــه
طَلبتك جانت فقط تكتب الوصيه
يهدي كَالوها ابجسَاره الجاهِليه
والقَصِد مَعروف يا سيد البريه
خافوا ابحيدر توصي ...مارِضوها
انت لو كاتبها ... والله مزكَوهــــا
ابهاي الأسباب ... ينكِسر باب ... يامحمد
*****
بس تغَمِض عينك اتصير المُصيبة
والعزيزة اتصير من بعدك غريبة
يحتركَـ بابك ترى ويصعَد لهيبة
والـ تكره الروح يكَرب عالحبيبة
ريتك اتشاهِد دَمِعها ... هالحزينـــه
تِنظر الكِسروا ضِلعها ... يا نبينـه
ابهذ الغيــاب ... ينكِسر بـاب ... يامحمد
*****
يا رسول الله شأخِبرك من إجوها
هيــه بين الباب والحايط لِكَوها
صاحت أني فاطمة بس مارِعوها
عالوجه سِطروها ويلي شَتِموها
سَطرة الظالِم تِخبرك ... عالحِزنها
ماتت وازركَـ ياطه ... ظل جِفنها
أول امصاب ... ينكِسر باب ... يامحمد
*****
حيدر امكَيد مِشى تجري دَمِعته
اتوزعت بين الأبن والأم نَظِرته
من بدت بالمحسن وصارت جَتلِته
يعني عبدالله طِفل تِنحَز رُكُبته
زينب ابعاشر مُحَرم ... سَلِبوهـــا
والله لوما عَصرة أمُها ... مايسبوها
ابفَكَد الأحباب ... ينكِسر باب ... يامحمد
*****
يا محمد والكِسَر ضِلع الزجيــه
كَسَر اضلوع اشكُثر بالغاضريه
واش تكَلِه لو شفت زينب سبيه
على صَدر احسين تسحَكَـ خيل اميه
شوف ابن جوشن ترَبع ... على صَدره
واطنعَش طَبره يطبره ... حِز لهَ نحره
ابكَطع الركَاب ... ينكِسر باب ... يامحمد
*****
يامحمد نادتَــك بنت الصُميـــده
جدي هذا احسينكم كَطِعَوا وَريده
وانذبح ظامي بعد ذَبحت عَضيده
والـ يذبحون إخوته صَبره اشيفيده
من وِكَع من فوكَـ مُهره ... صَد عليه
جن يكَلي وِداعة الله ... هاي هيــه
وصَبره غاب ... ينكِسر باب ... يامحمد
*****
ريتك اتشاهد يا جَد ذِبحت زلمنـّـه
كَلِي وين انروح من حِركوا خيمنّه
والله حال احسين يا جدي هِضمنّه
انت كَلِت احسين مني وانه منّـــه
سهم المثلت ياجدي ... ماجِرعتـــه
من خِرَز ظهره يطلعه ... اني شفته
بدم الخِضاب ... ينكِسر باب ... يامحمد
لشاعر سيد عبد الخالق المحنه
rwd]m l;j,fm k]vd Hsfhf hgodhki fhsl hg;vfghzd