يالتعـاديني هـذا انه مـوجـود
من علي ماخذ هالغيره والزود
خل يجي العالم يصور قصة اجنوني
وخلي يـنـقـلهه مباشـر لليـضـدوني
وراح أطلعله مواكب خل يصوروني
وانه عنوان العناده وزين يـدرونـي
وماأضم راسي من انطي العهود
وين اليهددني وينه خل يجي ويشوف
ابكل شبر احيي مجالس مامنعني خوف
ورايـتي للابـد تبـقـه عاليه وتـطـوف
وهاللطم لا مااعوفه لوتجيني اصفوف
لاتضن من تفجرني انه اتراجـع
ولاتضن يرهبني سيفك لون اتكطع
وارد اكـلك مني ايس انه مااركـع
ولـوتلم الدنيه كله والـله ماأجــزع
واسال التاريخ واهلك والجـدود
كبلك اجدادك عليه حرب علنوهه
والمـدافـع والبنادق بيه جـربـوهه
رغم جانوا همه سلطه والله خسروهه
وانتصرت انه بصمودي وزين تدروهه
وانته هسه جاي للماضي اتعود
هاك اخذ مني نصيحه وزين افهمهه
الشيعه لجل حسين تفرح لوجره دمهه
ولو الف باليوم توكع والله ميهمهه
و لاتضن هاي الشعائـر تـنمنع منهه
لطلعة القائم برواحنه انجود
dhgjuh]dkd i`h hki l,[,]