بسم الله الرحمن الرحيم
اسمع ياشيعي
حسين مو عاشر ويوم الاربعين ..
حسين منهج درسوه للمؤمنين ..
حسين لا تمشي بطريقه
وانت غاطس #بالحرام
حسين مـيريد اليجيله
وهوه ماعنده #التزام
حسين مو نوح وبچي ..
وحسين مو بس بالحچي ..
وحسين مو ياهو اليجي ..
حسين كون بدربه تمشي
ودربه مو قصدي المسير ..
حسين كون تصير مثله
ومثل انصاره تصير ..
حسين لا تمشيله زاير
وانت ماعندك ضمير ..
حسين لا تلهج باسمه
وانت متساعد فقير ..
انت تعرف #ياحسين شتعني هاي ؟
هاي معناها صلاتك لاتفوت ..
هاي معناها زكاتك لاتموت ..
هاي معناها اعله امك
ابد لا ترفع الصوت ..
حسين مو عاشر ويوم الاربعين
حسين منهج درسوه للمؤمنين
حسين عِبرة وعَبرة للناس اجمعين
خلي #زينب قدوتج خلي الرباب ..
لا تجين حسين وانتي بلا حجاب ..
خلي بالج من تجين #الكربله ..
حسين ميريدج تجين مكحله ..
لبسي روحج والعقل لبسي عفاف
حسين يستاهل تجيله معدله ..
وللماعرف خل ينتبه شنهو #الحسين
حسين مو عاشر ويوم الاربعين
حسين منهج درسوه للمؤمنين
حسين عِبره وعَبره للناس اجمعين
كون تفهم شنهي عاشر
وقبل لا تحيي الشعاير
#سوي ثوره اعله الضماير
وكلمن يحاسب #ضميره
ويترك الدنيا #الگصيره
ويرجع لربه واميره
ونمشي كلنه بگلب صافي ..
واوصل لشباچه حافي ..
وابچي من كل گلبي يمه
واتوسد اتراب ابو اليمه
واخذ مرادي بخشوع
وانجوي بذرف الدموع
طب لحسين بگلب صافي بهواك ..
وعوف كل الدنيا مذبوبه وراك ..
hslu dh adud