2013/04/24, 07:07 PM | #1 |
معلومات إضافية
|
بين فحل الفحول
علم باسمك يظل مرفوع دوم ابكل مكان – عله اسْطوح المنازل والقمم باعله الجبال وْعزائك يالحبيب ابكل زمن اكبرعزاء – ابد ماينتهي اعْزاك او صعب يفنه او محال لان حتى السماء اتنوح تندب عالمصاب – عجيب انت او فلا مثلك ابد مالك مثال منو الضحه ابحياته اوْضحه بِوْليده الرضيع – وْمنوالجدّم بنينه اواخوِته او خيرالرجال ادوّر وارد اعرفه او اقره عنّه ابْيا زمان – فلا مظلوم مثلك بالحقيقه او بالخيال امام او اصلك الطاهر يبن فحل الفحول – شجاع او تشهد افعالك ميادين النزال يبن بضعة محمد فاطمه الزهره البتول – نسب معروف شجره امباركه ابْنور اوْكمال ............ فخر هاشم يبو اليمه او فخر عدنان – وْيرمز الكل يثور او صرخة المظلوم يعنوان الشجاعه يا عظيم الشان – وْيعنوان الصمود او سلوت المهموم تِعَلمنه الصبر منّك يبو الاحرار – بْفخر اسمك حبيبي اعله الصدر مرسوم تحدينه المنايه او ما يهمنه الموت – لان رسم الحسين اعله الگلب مختوم نجيك اونهتف ابصحنك يبو السجاد – عله امْصابك حزن قايم يظل للدوم نظل ننعاك ابو اليمّه او فلا ننساك – نعم مولاي عاشورك تره ابكل يوم لذلك نبقه نهتف يا حسين اوياك – نموت او ما نعوفك والعلي القيّوم وحق ضلع الزچيه او جدك المختار – وْوحق حيدرعلي اوْابنه الزكي المسموم ............. بْدماك الطاهره الدين انحفظ مولاي – نعم لله والْدِينه افتديت الروح وْفديت ارواح احبابك اهل واصحاب – انس والجان لمْصابك تظل اتنوح شهر عاشور احزانك يبو الثوار – حزن والام وهْلاله ابْعزائه ايْلوح تصيح الدنيه والافلاك يا مظلوم – بْمساجدنه او مواكبنه مجالس نوح الك تهتف ملايين ابعزه اطويريج – ابد والله ما ننساك يالمذبوح وْتطوف ابكربله او تركض شباب او شيب – تصل يم گبرك اتنوح ابگلب مجروح يبو السجاد ننعاك ابو ابد منجوز – وْلجل يومك يبو اليمّه فدايه انروح رغم لِارهاب واذنابه او فتاوي الجور – نجي الگبرك نشم عطر الجنان ايفوح ........................................... ........................................... المصدر: منتديات شيعة الحسين العالمية اكبر تجمع اسلامي عربي - من قسم: الشعر الشعبي fdk tpg hgtp,g |
2013/04/25, 01:04 AM | #2 |
معلومات إضافية
|
بسم الله الرحمن الرحيم
اللهم صل على محمد وأل محمد الطيبين الطاهرين ابد والله يازهراء ماننسى حسيناااااااااه رزقك الله تعالى شفاعة الحسين عليه السلام |
2013/04/25, 02:32 PM | #3 |
معلومات إضافية
|
شكرا للمرور العطر منور
|
مواقع النشر (المفضلة) |
|
|
| |