2013/03/31, 08:55 AM | #1 |
معلومات إضافية
|
ثوب الشرف ..
ثوب الشرف ............. اشماله المستحه ابعين الكباحه ايشوف. .والثوب الطويل اشماله بس يكصر كشفنه الوزه وما ظل بعد مستور. .ولا وزره التفيد وحته نتوزر كصر ثوب الحيه والفشله رحه اتدور. .والعيب انجلب واعله الشرف كشر وتعالج الغيره وكل نفس مكطوع. .والعفه ابصلافه امعرينه وتفتر وبيوت الخلك صنطه وخنكهه الليل. .وياركبه اليكظهه ابجفه تتكسر جن موته البشر مامش بعد عدلين. .كلهه اجنايز وجنازهه امحير وعيون الجثث متحجره مامش ماي. .ومعشعش عليهه وعنكبوت اصفر لاشجره اليهزهه الريح واسمع صوت. .بس الخوف بذني شما هدت صفر مسدوده الشوارع طوف يغلك طوف. .منين اعبر واروح منين هسه اطفر شفت روحي ابمتاهه وما عرفت امنين. .درب المكبره يوصلني بالمعبر خرابه وبس نغيك البوم وحشة ليل. .ودولابالرعيع اعله الجثث يفتر دخيلك ياعلي الكرار يابا الغيث. .راحت تنكلب يالبشدد تحظر نشفت والشواطي اييع بيهه الصوت. .مامش روج وادي من الرعب يسعر حال الناس هذا الماتعرف العيب. .لا جلمة ضمير ولا شرف يذكر غم ذاك العرض من ينهتك ويكوم. .يتمايز ابمشيه وعود يتبختر وغم ذيج الشوارب مايهزهه العيب. .وبموس الديوث ازيان تتكشر وغم ذيج العكل من تطخ للنسوان .وغم الروس اذيجه بلا شرف تفتر وسفه اعله الشريف مهبط ومذلول. .ورباية العاهر صار المقدر والمجتول صارايبوس الجتال. .والجرح الغميج ايعانك الخنجر انهظ يالمضيف وفلش الشبات. .واجفي ادلالهه وخل ينطفي المجمر طشينه الشرف وي عنبر المشخاب. .والحاصل يفوح ابريحة العنبر مالازم عرس خلي الفرح عاشور. .وخل دمع المضيف ابكل حيه ايكطر ومالازم كحل خل النواظر بيض. .وخلي الغيره مهره وكل شرف يمهر ومالازم جديد وثوب لاحه العار .والثوب العتيك اشما عتك يطهر ياثوب الشرف ليش اصبحت مكروه وياثوب الوفاء بالنار ضل يسعر عدنه احنه الشرف منحر يلاكي السيف. .وفنه السيف يكسر صبة المنحر وفنه السيف يكسر صبة المنحر المصدر: منتديات شيعة الحسين العالمية اكبر تجمع اسلامي عربي - من قسم: الشعر الشعبي e,f hgavt >> |
2013/03/31, 09:01 AM | #2 |
معلومات إضافية
|
عاشت الايادي خيووووووووووو
|
2013/03/31, 09:06 AM | #3 |
معلومات إضافية
|
وايدج فرح منورة
|
2013/03/31, 09:08 AM | #4 |
معلومات إضافية
|
النور نورك
|
2013/03/31, 09:09 AM | #5 |
معلومات إضافية
|
شكراً لفيض إبداعك لك فائق التقدير والإحترام ودي وخمائل وردي ترغب أن تكون بين يديك لروحك جنان الورد اعذبه وانقاه
|
2013/03/31, 09:10 AM | #6 |
معلومات إضافية
|
كشفنه الوزه وما ظل بعد مستور.
.ولا وزره التفيد وحته نتوزر حلوووووووووووووووو |
2013/03/31, 09:19 AM | #7 |
معلومات إضافية
|
تسلم ايدك ياوردة على الانتقاء الرائع و المميز
مشكور والله يعطيك الف عافية تتقبل مروري |
2013/03/31, 09:28 AM | #8 |
معلومات إضافية
|
عاشت الايادي
|
2013/03/31, 10:00 AM | #9 |
معلومات إضافية
|
موفقين بارك الله فيكم يا أنصارالحق
|
2013/03/31, 10:30 AM | #10 |
معلومات إضافية
|
منورين الموضوع احبائي
|
مواقع النشر (المفضلة) |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
الشرف الأكمل | فدك الزهراء | الواحة الفاطمية | 9 | 2015/10/17 09:16 PM |
دفن مع مرتبة الشرف-saved thousands of lives during the serial bomb | عاشق نور الزهراء | Biography forum Ahl al-Bayt, peace be upon them | 2 | 2013/04/20 01:14 AM |
اصدار [[ ثورة الحق ]] سيد ناصر الشرف و يوسف الرومي 1434 هــ | بسمة الفجر | الصوتيات والمرئيات والرواديد | 4 | 2012/12/03 10:29 AM |
| |