شكبر صيت البحر ....للشاعر السيد رفعت الصافي

[محبين الحسين]

شكبر صيت البحر ....للشاعر السيد رفعت الصافي

شلت عشرتك دمعة بعين هالايام وين الله من اشــــــــوفك بلكت ابجيها
تتـــــنادس جروحي من يحل ملكـــاك تلبــس من تشـــوفك خلك راعيها
ما تفرق ضــحكتي من ضحكة الجناز انا وياك حتى الضحكة ناســـــيها
تتـــحزم عـــيوني بـــدمـــع لــــــو مريت عالفطرة وحككك ما موصيها
فــوك متــوني ياخذ راحته التابـــوت صــــبخة وثكل حملك ما يهم بيها
عتــبة بـيـتك تمـــنيـــت عــدها لســــان حتى تكلك اشـــكد نايـــم عليها
ما حركت رمشــك بيك من مريت وان اشــــبك طعـنتك لـمن الاكيـــها
الجكاير كحلت شفتي على حس طرواك ومرات اشتبه وعيوني اسميها
هاي ســـــــنيني بيـــــدك موش طاسة ماي كلما اديرلك ظهري تبديها
عــفتني ابنــــار يـــاهو الكلك ابراهيم والاكثر بالكواغد كمت تطْـــفيها
انـا تـــمنيت تحظر مكــبرة على البال حتى ادفن ذكـــرتك مــا اخليــها
عشــــرتي وياك عشرة سدة ويا الماي اجي بلهفتي وتدفعني وارد ليها
لا تــذب لـــومك عالــقســمة والايام انت المـاردتني القســمة شــعليها
المـــاعنده ســـكف لا يعــــاند ويــه الغيم يســـتبرد ابمجرد يمر طاريها
شكبرصيت البحر كضى العمر مطروح وتسحكه الطيور بطرف رجليها
احساسك بور كتلك ما يطك بيه شوك مثل صحراء تشل جفوف ساكيها
طعـــناتك بظـــــهري تمرجحن بالعيد واكولن عيد زحمة شـــلون ابجيها
بــــس لـــــيا وكــت ابقى لـــهواك شـــراع نسماتك تعــــيل وما احاجيها
ابــتديت من النــــــهاية ويـــــــاك بــــس ما فـــاد اهل مكة ادرى باهاليها
غـــرفة صــــاحبك تشــــبه حضن ســرداب الله يساعدك وشلون كاضيها
السيد رفعت الصافي

المصدر: منتديات شيعة الحسين العالمية اكبر تجمع اسلامي عربي - من قسم: الشعر الشعبي

---

a;fv wdj hgfpv >>>>ggahuv hgsd] vtuj hgwhtd

[الشاعر خضير المسيباوي]

مبدعة دائماً .. أختي العلوية ..
وهذا ليس غريباً عليك .. دمتي للأبداع عنواناً ..
سلمت يد الشاعر .. وليدك السلامة ..

خادمك الصغير ..

[ابوشهد]

جميل جدا شكرا لك

[النبأ العظيم]

احسنتم علويتنا الغالية
قصيدة رائعة
بارك الله فيك

[السيدة]

بارك الله فيك