مهما طال الحزن فينا ...

[الشاعر خضير المسيباوي]

مهما طال الحزن فينا ...

مهما طال الحزنُ فينا ** شيعةٌ نبقى لحيدر
تبقى في القلب عليٌ ** كل من عاداك يخسر
*************************************
(1)
ياعلي بكل ضمير أتعيش ... نهواك بجوارحنه
ومهما أنشوف ألم وأحزان .. أبد منعوفه مذهبنه
صوت الحق يحيدر بيك ..... حبك كلنه يجمعنه
وهاي الدنية مﮕضية ..... وباﭼر إنت موطنه
تبقى في الأكوان نورٌ ** أنت كالشمسُ مضيء
صوتُ جبريلُ ينادي ** كل من عاداك يخسر
(2)
نضيع ونهتدي بنورك ..... حبك ياعلي جنه
ومهما حاربونه أنظل ..... نصرخ ياعلي كلنه
ومهما إتضاربت الأفكار ... يحيدر بسمك أتلمنه
بيك ونفتخر للموت ..... شيعة وأنته مرجعنه
فارس الفرسانُ أنت ** يكتب التأريخ عنك
مزق الكفار سيفك** كل من عاداك يخسر
(3)
رادوا ينمحي أسمك ..... عليك إتحزموا بالشر
جهلوا قدرك وعلمك .... لكن موقفك أكبر
ظل أسمك علم للناس ... نبراس العلم وأكثر
حتى بمولدك آية ..... وليد الكعبة ياحيدر
أنت في الدنيا مزاراً ** أنت في الحشر مناراً
يهتف الكون عليٌ ** كل من عاداك يخسر
(4)
صوب سيف إبن ملجم ... راسك يا عمود الدين
دمك صب على المحراب ... ناحت لجلك الثقلين
أبد ما ننسه يا حيدر ..... مهما عشنه متعذبين
باﭼر بالحشر نوﮔف ..... بسمك أحنه مكتوبين
أنت للمختار صهراً ** أنت يازوجُ البتول
أنت بالحق وليٌ ** كل من عاداك يخسر
(5)
عشنه ياعلي بهمنه ..... غربة إبين أهالينه
محبوسة بصدرنه أهموم ... مثل النار تﭼوينه
كلمن يعرف إنحبك ..... يحاربنه ويعادينه
صبرنه والصبر ملنه ... ﮔلبنه ياعلي عينه
حكم الدهرُ علينا ** نبقى في الدنيا نعاني
قلنا ياكرارُ أنت ** كل من عاداك يخسر
(6)
شنهو ذنب الشيعة شنهو ... صار المجتمع ضدهه
أﮔبالك واضح القرآن ..... فسر وأعرف شعدهه
حيدر بالعلم معروف ..... وأصنام الكفر هدهه
دور عنه بالتاريخ ..... حقائق بيدك ألمسهه
كل من والاك حيدر ** فاز في يوم الحساب
لك تشهد بابُ خيبر ** كل من عاداك يخسر
(7)
يحيدر لشوكت نبقه ... كاس إمن الحزن نشرب
عشنه والدمع بالعين ... دنية وبيهه نتعذب
وسفة الحق يحيدر ضاع ... وبينه أهل الظلم تنهب
وأحنه بغربة محتارين ..... تفرﮔنه ودرب يصعب
أين أنت الصدر ضاق ** فيك ماخاب الرجاء
أنت عوناً في الشدائد ** كل من عاداك يخسر

المصدر: منتديات شيعة الحسين العالمية اكبر تجمع اسلامي عربي - من قسم: الشعر الشعبي

---

lilh 'hg hgp.k tdkh >>>