2014/02/10, 04:41 PM | #1 |
معلومات إضافية
|
خذني معك الرادود باسم الكربلائي مكتوبة
خذني معك يبويه اوياك أريدن ينحفر گبري شلي ابعمري امن اظل متمحّنه ابدهري * * * العمر يابويه بافراح او حزن مكتوب تطيب اگلوب بايّامه او تشيب اگلوب وأنه ابدفتر حياتي بس حزن مكتوب او كُبر بيّه الحزن يابويه من زغري * * * كُبر بيّه الحزن واترعرع ابهل دار أصد لاُمّي أشوفن تبچي عالمحتار أصدّن ليك أشوفك بالصبر محتار وعلي' صبرك صبرت او ما نفذ صبري * * * صبرت اسنين بين الا´ه والحسره لچن فاض الصبر بمصيبة الزهره يبويه العصره آه اشسوّت العصره بيها الكِسر ضلع اُمّي كسر ظهري * * * انكسر ظهري يبويه او جرحي شيطيبه او دليلي امصوّب ابضربات مو ضربه ضلع اُمّي واخويه الطاح علعتبه والبسمار ناره بالحشه تسري * * * نيران ابدليلي او بالحشه تسعر او صفالي امن العمر بس اءنته يا حيدر او كبرت اوياك وآمال الگلب تكبر من تحضر تنشّف دمعتي التجري * * * تنشّف دمعتي وتورّد آمالي واحسّ ابهيبتي لو شفتك اگبالي لچن يا بدري لحظه ما اءجه ابّالي تغيب او ينطفي ابريع العمر بدري * * * يداحي الباب غاب البدر بغيابك يبو الاطياب ظلمه الليله محرابك عساني اتصوّبت يابويه بصوابك صدگ دمّك يبويه ابمسجدك يجري * * * صدگ راسك يبويه ابهامته مصيوب صدگ شيبك يبويه بالدمه مخضوب صدگ طايح ابمحرابك يداحي البوب يبويه اليوم طاح ابطيحتك خدري * * * يبويه اليوم طاح ابطيحتك جدّي يبويه اليوم راحت اُمّي من عندي يبويه اليوم علمحسن عطب چبدي يبويه اليوم بسمار العِده ابصدري * * * صدگ أسمع تصيح الناس حيدر مات صدگ وحدي صرت يا حاضر الشدّات عسه اعيوني يبويه اثنينهن عميات وين انطي الوجه يابويه ما أدري * * * وين انطي الوجه يابهجة اعيوني يبويه اعداك بغيابك يظلموني او يشتموني او يضربوني او يأسروني يريت الموت آنه او لاطيحن أبأسري * * * يبويه ما دريت العيد جايينه او عله العاده تجي الوادم تهنّينه يبويه اشلون لو گالوا علي وينه شنطي اجواب يابويه او شنو عذري (1990) للشاعر الحاج هيثم سعّودي الكربلائي.. المصدر: منتديات شيعة الحسين العالمية اكبر تجمع اسلامي عربي - من قسم: القصائد الحسينية o`kd lu; hgvh],] fhsl hg;vfghzd l;j,fm |
2014/02/12, 02:21 AM | #2 |
معلومات إضافية
|
من أنفاس لا تهدأ .. يبدأ الحديث
وحين يعلم أنه إليك .. يلبس حلة القصيد .. وصوت النغم إليك أكتب .. وأصابعى ترقص على لوحة المفاتيح تعلم انها تكتب لك .. إليك أكتب .. فلا تترك القلم يتعذب ... أعجبتنى من أجلك سأحضر القمـــر على كفى وسأزرع الورد على خــــــــدى سأهديك طفولتـــــــى وأرقيك بشبابــــى. كذاك كان موضوعك لكـ خالص إحترامى |
2014/02/20, 08:22 AM | #3 |
معلومات إضافية
|
شكرا لك على هذا المجهود
دمت بخير |
مواقع النشر (المفضلة) |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
ضلعك وضلعي/ الرادود باسم الكربلائي/ مكتوبة | النبأ العظيم | القصائد الحسينية | 1 | 2015/09/24 03:01 PM |
يم شاطي الصبر/ الرادود باسم الكربلائي / مكتوبة | النبأ العظيم | القصائد الحسينية | 1 | 2015/09/24 02:58 PM |
ريحانة المصطفى الرادود باسم الكربلائي مكتوبة | النبأ العظيم | القصائد الحسينية | 1 | 2014/02/09 02:00 PM |
شعت فلا الشمس تحكيها الرادود باسم الكربلائي مكتوبة | النبأ العظيم | القصائد الحسينية | 1 | 2014/02/09 01:59 PM |
ويلي على المسموم..الرادود باسم الكربلائي مكتوبة | النبأ العظيم | القصائد الحسينية | 2 | 2014/01/28 03:51 PM |
| |