قصيده تبكي الصخر

[اوس الحلاوي]

قصيده تبكي الصخر

السلام عليكم
حبيت تشاركوني بهذه القصيده الروعه
عن لسان ام الشاعر الراحل
رحيم المالكي
..........
مو ميت عدل واكبالي اشوفك دوم
واتامل رحيم لغيبتك رجعه
ماصدك غفل يوليدي عني تروح
مستعجل تريد فراكنة بسرعه
كدامي القلم كل ساعة اشمن بيه
بلكي عللقلم نيشان من صبعه
وشكد ذكريات مخلي علاوراق
وحجايات حلوة ابالي متجمعه
نقره بدفترك حد ماتطيح عيون
والبوم الصور نشتاق ونطلعه
عيني عللدرب من ربعك يردون
اكولن بلكي اشوفن جاي وي ربعه
ويطول انتظاري او وكفتي عللباب
عين اتاني تبقه وعين بالدمعة
راح التعب يمه وذاك سهرالليل
لاجني صدك ربيت وأمرضعه
لاجني ابمهد هزيت الولي عليك
يبني ولمن تمرض قلبي اتصدعه
طكتني المصايب واوجرت وياي
متعنية وعلي بيبانهه مشرعه
يومية انلجم يومية عندي مصاب
وانه عللمصايب مالي كل جرعه
شريد انسه ييمه منيلي النسيان
هو الجرف ينسه الماي ويودعه
يوليدي العراقية تسولف بيك
لمن تذكر اسمك كَلبي اتكطعه
تبقه عيوني تربي مكابله الشاشات
بلكت صورتك لو صوتك انسمعه
ظلمة ليل صارت دنيتي بلياك
يلحارك حياتك للوطن شمعه
انته وكل شهيد الطاح وفه الكاع
ياسيف العراق او مهرته ودرعه
اقنع روحي يمكن لو كلت انساك
بس كَلبيي الدفنته وياك شيقنعه
تحياتي

المصدر: منتديات شيعة الحسين العالمية اكبر تجمع اسلامي عربي - من قسم: الشعر الشعبي

---

rwd]i jf;d hgwov

[نسائم الزهراء]

[الياس الموالي]

بارك الله بك

[الصدرية]

جميله تسلم اناملكم الطيبه


إحترامي

:

الصدرية

[اوس الحلاوي]

مشكورين ع المرور

[ابوشهد]

مشكوووووور والله يعطيك الف عافيه

[عبدالله الكبيسي]

يسلموووووووووووو
عاست الايادي
يسلمو عالموضوع الحلووووووووو