نحتاجك يا مهدينه *** گبل الموتإظهر لينه
*************************
(1)
كل يوم إيمر تلگانه ..
نتعذب من دنيانه ..
وإنته اللي ما تنسانه ..
وكتك چا يمته أسنينه ** گبل الموت إظهر لينه
(2)
كل لحظة أدموع أعيونه ..
للشيعي اليوم أيبچونه ..
وأحفاده لمرحب أذونه ..
وبس الله اليرحم بينه *** گبل الموت إظهر لينه
(3)
بين التفجير الوادم ..
تصرخ وينك يالقائم ..
ضدك تدري شچم ظالم ..
بايعنه وبايع دينه *** گبل الموت إظهر لينه
(4)
طول يالمهدي أغيابك ..
كونك تظهر لحبابك ..
نسمع كل أحنه إجوابك ..
ونشم عطرك لو جينه *** گبلالموت إظهر لينه
(5)
اليوم أنحلفك بالزهرة ..
بضلع أمك وبكسره ..
لخاطرنه أرجوك أتجبره ..
والمظلوم إتكحل عينه *** گبل الموت إظهر لينه
(6)
نتنطر كلنه أنشوفك ..
وإنقبل يالمهدي أچفوفك ..
وبوحدك لا منعوفك ..
لشخصك كلنه أمتانينه *** گبل الموت إظهر لينه
(7)
بالذلة بدونك عشنه ..
والهم مايرضه أيهدنه ..
بيك اليوم أتوسلنه ..
كل يوم أيمر ياذينه *** گبل الموت إظهر لينه
(8)
الحتلوا أرض أبلادي ...
والفجروا گبت الهادي ..
ظنوا يمحون أمجادي ..
رادوا ننكر والينه *** گبل الموت إظهر لينه
kpjh[; dhli]dki >>>