لــــــــــــــو جنه لـــــو نار= و بكـــــــيفك أختـــــــــار
تمشي بدرب حامي ألحمه = لو تمشي ويا ألظالمه
تضيع ألمــــعبـار== و بكيفك أختار
لو جنه لو نار
-----------------
من يوم أدمنه نـزل=للوطيه وصار يُعــمُر
نزل وياه أبــو مرهَ =وصار للإجرام ينشـر
دخـل بين أولاد آدم=بين إلهُم طـرق للشر
وصبحت بالبشرسُنه=أحمق البيه تـــــأثر
بس الحليم اليفتهم=ما يقبل بهذا الوَهَـم
يرفض أفكاراهل الظلم=للحك يساند وينصر
من ذيج ألأزمان=تبعـت الشيطان
صارت عقول الجاهله تقـلد ألأشرار
و بكيفك أختار =لوجنه لونار
-------------------
الدنيا هاي وأنت تملك=عقل عنــدك بيها فكر
بيــــها دربين تعرفهن=درب خير ودرب للشر
ألخير معروف أمسيره=للكرامه يريد ينشر
ألشرأمبين أواضـــــــح=للحقــوق أيريد يهدر
أختــارأنت يادرب =خير وحقد بيمن تطب
إلينشد الخيرويحب=يضحي لجل ألخيرمنحـر
ويضحي ميخاف=ما يخشى ألجلاف
يقتدي بنهضة كربله منهاج ألأحرار
و بكيفك أختار =لو جنه لونار
----------
ألعاقل ألدنيا يعـرفـــها=ألدنيا ما تلتزم صــاحب
كُل يوم فـرهَا يختلف=الدنيا مجموعَة مصـايب
بيها فرح بيها حـزن=بيها آهـات ونــــــــــوايب
بيها فاحط على الدنيا=وبيها للآخــره راغب
كُل ساع دنياك بشكل=لو إلك لو عنك تزل
نكلبت موازين ألعـمل=وصاربيها الظلم غالب
ضاع العدل ضاع=بكثرة ألأطمـاع
هدروا دماء آل النبي زمرت ألأشرار
و بكيفك أختار= لوجنه لو نار
==========
يبن أدم لا تفكــــر=تظل للدنيا تـُمــــــلِك
أتبع المنهج مُحمَد=وأركب بهـذا ألفُـُلك
حسين باخرة النجاة=أليفتهم بيـــها سلك
ينجى بيها الي ركبها=والنزل عنــها هلك
تريد تقبل بالنصيحه=تريد تبكه على الفضيحه
هاي ألأخبارألصحيحه=عـن رسول ألله نبيك
حيدر ألكــــرار=يملك المعــــــبار
ألبا يعه ينجه ويطيح ألخاصمه بنار
و بكيفك أختار= لو جنه لونار
=======
ألدنيا معروفه بغدرها=بيها لا تمن وتنغـــــــر
لا تمشي مرحاً بـالأرض=لا لخدينك تصـــعـر
صَلب لا تكن يــــــــابس=لا تكـُن لين وتـُعصر
لا تبسط أيدك كُل بسـط =لا تغلـــها إلى المنحر
حسن أخلاقك بالعمل=لايغلب عليك ألأمل
لحظات عنها وترتحل= الدنيا هاي الدنيا معبر
لا تنغر بهذا الوهم =بحبل الولايه اعتصم
تاخذ جوازك من علي وتعبرالمعبار
وبكيفك أختار=لو جنه نار
=======
هناك ما تكدرتدافـــــع=تشوف كُل العمـل مُحضَـر
كُل نفس يصعد وينزل=مسجل وتلكاه بــــــدفتر
ربك الحافظ سلطــــــــه=عليك وبأمرك تسيطـــر
وفوك العرش ربك يره=ألباري بالمرصــاد ينظر
ما ينفع هناك ألعذر=ماكو محامي ألينتصر
غيرالنبي سيد البشر= وحيدر اليملك الكوثر
ثبتت هل خبــــار=بحك حامي الجـار
يرد ألذي مابايعه ويسجي ألأنصار
و بكيفك أختار=لو جنه لو نار
==========
أشكثربالتـاريخ مــــرت=شكال ما تنعرف كثـره
وين نمرود ورجالــــــه=الجانت تحـارب القدره
وين فيل أبرهة وجيشه= وين خيله وين حشره
وين طاغي الشام أنشدك =وين قصره وين كبره
وين الملوك الفاسده= وين الطغات الحاقده
وين ألخلافه الراشده=غير حيــدر أبــــــو العتره
ما ظلت آثـار=ألكل ذيج ألأشـرار
غير الوصي المرتضى وعــترت المختار
و بكيفك أختار=لوجنه لو نار
======
ياموالي الوكتك أصحـه=لا تظل تتبع الجاهـل
لا تخدعك هل مظــهر=بيها لا تنـغر يغافــــل
مثل نبتت ورد حلــــوه=نابته بحظن المزابـــل
ولأفعى حلوه بــــالمس=لا جن بســــمها تقاتـل
بهاي البشرلا تنخدع= لا ترتجي منهم نفع
يتظاهرولك بالـــورع=وكل عملهم عمـل باطل
بحبل الولايه أعتـــصم=أهل الذكر وهل العلم
أولاد طه المصــطفى وحيدر الكرار
و بكيفك أختار= لو جنه لو نار
========
السيد كاظم الشرع المحمودي الموسوي
g, [ki g,khv frgl hgsd] ;h/l hgavu hgado hg.vu frgl