[ابوشهد]

فخر الشباب علي الأكبر

فخر الشباب علي الأكبر

ســـهم فـــگــدك رمــــــاني وغــــــدر بـــيـه زمـــانــي
يـالاكبر بالجفن ما ظلت دموع
غـــدر بـــيه زماني
* * *
يـــبني يـــا زهرة وجــودي الچـانت ابآمالي تكبر
يــــا نـــســيم الـــيــمر بــــيه ومــنّه دلالـي تعطّر
يــــالحن اوتــار گـــلبي المن صميم الگلب يظهر
يــــا بــــرعم الــــروح النــدي ابـــــدمـــعــي ســـگيتك يولدي
مـــــوعدك حــــــان ومــوعدي وخــــابــــت آمــــالي يـــالاكبر
حــــيـــاتي مـــن حـــيـاتــك ومـــــمــاتي مــــن مـماتك
يـــغـصن اللي زرعته بين الظلوع
غــــدر بــيه زماني
* * *
فــــراگك ايـــغــــيب الـروح وردت يالاكبر اخبرك
ابهالمصاب انگطع نـــحري گبل لا ينگطع نحرك
ما چنت ادري المـــنايه ابـــدمك الـــطاهر تعفرك
روحـــــي ابــــمــــصابك ذايبه ذوبــــــــها جــــمر النــــايــــبه
والگــــــلب عــــــازم عــــالابه وإحـــــتــــزم بـــحـزام صبرك
وجـــــودك مــــن وجــودي اكـــســـبت بسـمك خلودي
يـــنـــبراس العلى الهامات مرفوع
غــــدر بــيه زماني
* * *
يــــا هـــــلال الـلي تخضب بالدمه وجسمه تگطع
يا نمير النــــشف مـوحه وصار عالوجنات مدمع
ثبت ركن الصبر بيّــــه وركــــن آمــالي تضعضع
يــــا شــــــغف روحـي الهايمه يــــا چـــبــــدتــــي المــتخذمه
اشــــغـــسلك مــن فيض الدمه اشـــچـــفـنك من ثره المصرع
غـــفـــت روحـــي ابهيامي ونـــفــــذ ســـــهم المرامي
ودلــــيلي طلع من ظلوعي مفزوع
غــــدر بــيه زماني
* * *
مـــن شـفت جــــسمـك اموذر حزّت ابگلبي المصيبه
وسهم فگدك فجع روحي وصرت برض الطف غريبه
ليش جثتك على الغــــبره امـــوسده وبـــالدم خضيبه
يــــا مــــوح البـــــعيـني يصب لا تـــبــگه مرمي اعله الترب
گـــــوم وتــــوسد بـــالگــــــلب بلـــچـــــن اتـــخـــمد لهـــيــبه
احـــمـــلت بالطف مصايب شــــفـــت بـــيـها العجايب
اهيــم ويه الصبر والگلب مفجوع
غـــدر بـــيه زماني
* * *
ابـــفـــرگتـــك يــا ريع چبدي منهو اليخمد غليلي
فوگ نار العـــطـــش نـــار مصيبتك حرگت دليلي
والهدم حيلك يالاكبر گبــــل حـــيــلك هـــدم حيلي
وطــــبـــرة العــــبدي الصابتك صــــوبـــت گــــلبي ابـــفرگتك
يــــــا بـــــدر عـــمري ابغيبتك صـــــار مــــوحش وجــه ليلي
طــــــفــوا شمـــــعة حياتي ودنـــــت ســـــاعة مـماتي
يـالاكبر من شفت منحرك مگطوع
غــــدر بــيه زماني
* * *
كـــربله هـــــدمت بــــيتي والنـــــوايـــب صوبنّي
وبــالهظم جمرات حزني بـــالهالمصايـــب ذوبنّي
فـــرگــــتــك تـــسهل عــليه فگد ابوك الاشد يبني
صــــابتني رمــــيات الدهر
لاچــــن اشد واصعب وامر
نــايـــــبة مـــحــزوز النحر
مـصاب ابوك حسين خله الدمع ويه دموم يجري
* * *
يــبني مـــو هـــيّن مصابك يا شيبه النبي الهادي
لاچن الهوّن مـــــصابك والــــدك بيـــــن الاعـادي
صـــار مــــكوّر للـــعوالي وشابچه عليه الهنادي
يـــــوم الـــــوگع طود الابه
خـــــلاني انــــسه الـــنايبه
ومـــن شـف جثته مخضبه
انـهدم حيلي وخاب ضني وذاب گلبي وخلص صبري
* * *
-----------------------

المصدر: منتديات شيعة الحسين العالمية اكبر تجمع اسلامي عربي - من قسم: الشعر الشعبي

---

tov hgafhf ugd hgH;fv