الزلم كثره أشكال مو شكل واحد=بيهم يحب الخير بـيهم الحـاقد
==========
للزلم ماكو حدودما إلهَه كل حد= بيهم شجاع وحيد منشدومكصد
==========
منهم سديد الرأي لخوانه ناصح=منهم سخيف ودوم بس الفضايح
===========
منهم رفيع الشأن والكرم طبعه=منهم عديم أحسان حتى وي ربـعه
==========
منهم شهم مغواركُل همه عرضه=يتخوف من الريح خايف تصدعه
==============
منهم نذل ديوث بالسمسرة إستاد=مايهتم وفرحان لو كـتله كواد
============
الغيره ما تنباع والشرف منبت=كصة النذل فولاذ ما ساعه ندت
===========
منهم شهم رجال وبحجيه راسخ =منهم حجي أم أفلان التفكيره ناسخ
===========
منهم بخيل أهدان ويخجل الضيف=منهم كرامه وجود يمطرولوّ صيف
===========
منهم بطل مغوار بالفزعه معروف=منهم يضل بالدار يرجف بلا خوف
=================
واحد شطب ريحان والوجه يلمع=مزنجرحجي اليحجيه من صفريطلع
=============
واحد يلعب الروح مشوه الخلقه=من يحجي بالديوان من ذهب نطقه
==============
الشرف يــــا أخـــوان مو بالمـلابس=تشوفه فقـير الحال لاجنه فارس
=============
موكل لبسله عكال صـارمن ألجواد=عكاله سبع طويات لاجنه كـــواد
===========
موكل لبسله عكال يتسمه رجال=منهم صدوق الكول منهم الدجال
===============
لو جذب الرجال بالك تخاويه=يذبك بورطه دوم من تكتلف بيه
===========
|